माछापुच्छ्रेको अन्नपूर्ण स्कुलका विद्यार्थीलाई वर्षभरि पुग्ने स्टेशनरी सहयोग

हिमाली आवाज । कास्कीको माछापुच्छ्रे गाउँपालिका–८ कालीमाटी स्थित अन्नपूर्ण आधारभुत विद्यालयका विद्यार्थीहरुलाई वर्ष भरि पुग्ने स्टेशनरी सहयोग प्रदान गरिएको छ ।

विद्यार्थी शिक्षा विकास सस्थाले विद्यालयलाई सो सहयोग प्रदान गरेको विद्यालय व्यवस्थापन समितिका अध्यक्ष शिव भण्डारीले हिमाली आवाजलाई जानकारी दिनुभयो । सो सामग्री विद्यार्थी शिक्षा विकास संस्थाका अध्यक्ष नोर्बु शेर्पाले विद्यालय व्यवस्थापन समितिका अध्यक्ष भण्डारीलाई हस्तान्तरण गर्नुभएको थियो ।

सो अवसरमा विद्यालयका प्रअ दीपक ढुँगाना, तुलसी प्रसाद सुवेदी तथा शिक्षा विकास संस्थाका प्रवन्ध निर्देशक आदित्य चन्द लगायतले भनाई राख्दै न्यू आय भएका परिवारका बालबच्चाका लागि सो सहयोग ठूलो भएको बताउनुभएको थियो । स्टेशनरी पाएपछि विद्यालयका विद्यार्थी उत्साहित भएका छन् ।

Comments
Loading...