हिमाली आवाज । आर्थिक आवाज अनलाइन तथा आर्थिक आवाज म्यागेजिनका प्रकाशक तथा सम्पादक सुरेन्द्र पौडेल राष्ट्रिय डेरी पत्रकारिता २०८१, बाट सम्मानित हुनुभएको छ । नेपाल डेरी एसोसिएसनको २६ औं वार्षिक साधारण तथा स्थापना दिवसको अवसरमा सम्पादक पौडेललाई नगद सहित सम्मान पत्रले सम्मान गरिएको हो ।
सम्पादक पौडेलले पत्रकारिताको माध्यमबाट दूध तथा दुग्धजन्य वस्तुको प्रवद्र्धनमा महत्वपूर्ण भूमिका खेलेको भन्दै उनको योगदानको कदर गर्दै सम्मान गरिएको एसोसिएसनका केन्द्रीय अध्यक्ष प्रल्हाद दाहालले बताउनुभयो ।
सम्पादक पौडेलले आफूलाई उत्कृष्ट राष्ट्रिय डेरी पत्रकारिता पुरस्कारबाट सम्मान गरेकोमा नेपाल डेरी एसोसिएसन परिवारलाई धन्यवाद दिदै दूध र दुग्धजन्य क्षेत्रको प्रवद्वनमा यसरी नै आगामी दिनमा पनि सक्रिय रुपमा पत्रकारिता गरिरहने प्रतिवद्धता जनाउनुभयो ।यसैगरी कृषि पत्रकार महासंघ लुम्बिनी प्रदेशका अध्यक्ष कृष्ण खनाललाई उत्कृष्ट कृषि पत्रकारिता सम्मानबाट सम्मान गरिएको छ ।
कार्यक्रमको अवसरमा विभिन्न व्यवसायी, एसोसिएसनका प्रदेश समितिलाई समेत सम्मान गरिएको छ । आईतवार बुटवलमा भएको डेरी एसोसिएसनको साधारण सभाको उद्घाटन लुम्बिनी प्रदेशका कृषि, भुमि व्यवस्था तथा सहकारी मन्त्री दिनेश पन्थीले गर्नुभयो ।
