हिमाली आवाज । नेपाल पुलिस क्लब पोखरामा जारी २३ औँ संस्करणको आहा रारा पोखरा गोल्डकप फुटबलको क्वाटरफाइनलमा प्रवेश गरेको छ ।
पोखरा रंगशालामा आज सम्पन्न अन्तिम प्रिक्वाटरफाइनलको खेलमा अर्को विभागीय टोली सशस्त्र प्रहरीको एपिएफ क्लबलाई २–० गोल अन्तरले हराउँदै पुलिस अन्तिम आठमा पुगेको हो । पुलिसलाई जिताउन मानबहादुर परियारले नायक बन्नुभयो । खेलको १९ औं मिनेटमा प्रताप गुरुङको फ्रिकिकमा गोल गर्दैै परियाले अग्रता बनाउनुभएकामा दोस्रो हाफमा पुन ः अर्को गोल गर्दै जित निश्चित बनानुभयो ।
सहारा क्लब पोखराको आयोजनामा जारी प्रतियोगितामा शनिबारदेखी क्वार्टरफाइनलका खेल सुरु हुनेछन् । भोली भुटानको पारो एफसी र थ्रीस्टारबीच खेल हुनेछ ।
प्रतियोगिताको विजेताले रु १२ लाख एक हजार नगद सहित ट्रफी पुरस्कार प्राप्त गर्नेछन् । उपविजेता टोलीले रु छ लाख एक हजार नगद सहित ट्रफी प्रदान गरिने क्लबले जनाएको छ । प्रतियोगितामा एक विदेशी सहित १२ टोलीको सहभागिता रहेको छ ।
