हिमाली आवाज । पोखरामा न्यूरोडमा सवारी दुर्घटना हुँदा एक जनाको मृत्यु भएको छ । मृत्यु हुनेमा ४५ वर्षका सूर्य थकाली रहेको जिल्ला प्रहरी कार्यालय कास्कीले जनाएको छ ।
पोखराको न्यूरोडस्थित भाटभटेनी नजिकै ग५प ९४ नम्बरको स्कुटरलाई ग१ज ४५४० नम्बरको माइक्रोबसले शुक्रबार दिउसो ठक्कर दिँदा दुर्घटना भएको हो ।
दुर्घटनामा गम्भीर घाइते भएका थकालीको मणिपाल शिक्षण अस्पतालमा उपचारको क्रममा ज्यान गएको प्रहरीले जनाएको छ ।
प्रहरीका अनुसार सवारी चालक र माइक्रोलाई नियन्त्रणमा लिएको छ ।दुर्घटनापछि स्थानीयले बसमा तोडफोडको प्रयास गर्न खोजेका थिए ।
