हिमाली आवाज । आहा ! रारा गोल्डकप अन्तर्गत भोलीदेखी सुरु हुने सेमिफाइनलका खेलमा रङ्गशालामा दर्शकलाई प्रवेश दिइने भएको छ ।
आयोजक सहारा क्लबले कोरोना सङ्क्रमणको जोखिमका कारणबाट सुरुआतमा दर्शक बिना खेल सञ्चालन गर्दै आएकामा सेमिफाइनलदेखी खोप कार्डका आधारमा दर्शकलाई प्रवेश दिइने क्लबका महासचिव रामजी प्रसाद अधिकारीले बताउनुभयो ।
आयोजकले सेमिफाइनल र फाइनलका लागि प्रतिदर्शक ३ सय रुपैयाँ लिई खेल अवलोकन गर्ने दिने भएको हो । दर्शकले प्रभु पे अनलाइन एपमार्फत टिकट काट्न सक्ने व्यवस्था मिलाइएको छ ।
महासचिव अधिकारीका अनुसार अनुसार दर्शकको प्रत्यक्ष खेल अवलोकन गर्ने चाहनाको सम्मान गर्दै स्वास्थ्य मापदण्डलाई अवलम्वन गरी प्रशासनले दिएको स्वीकृति अनुसार सिट क्षमताको एक तिहाई टिकट बिक्री गरिने छ । पोखरा रङ्गशालाको प्यारापिटमा १६ हजार ५०० दर्शक क्षमता रहेको छ ।
