हिमाली आवाज । बुटबलको सुप्रिम सहकारी ठगी र संगठित अपराधका अभियुक्त राष्ट्यि स्वतन्त्र पार्टी(रास्वपा)का सभापति रवि लामिछाने पक्राउ पर्नुभएको छ ।
पूर्वगृहमन्त्री लामिछानेलाई शुक्रबार साँझ ९ बजे काठमाडौँस्थित निवासबाट प्रहरीले नियन्त्रणमा लिएको हो । उच्च अदालत तुलसीपुरको बुटवल इजलासका न्यायाधीश रमेश ढकाल र स्वीकृति पराजुलीको संयुक्त इजलासले जिल्ला अदालतको आदेश बदर गर्दै थुनामा पठाउने आदेश गरेको थियो।
आदेश प्राप्त भएलगत्तै प्रहरीको केन्द्रीय अनुन्धान ब्युरो (सीआईबी) का एसएसपी होबिन्द्र बोगटी नेतृत्वको टोलीले उनलाई नियन्त्रणमा लिएको हो।
