हिमाली आवाज । नेपाल निर्माण व्यवसायी संघ कास्कीको ३१ औँ वाषिक साधारणसभा आगामी वैशाख १३ गते पोखरामा हुने भएको छ । सो साधारणसभालाई भव्य बनाउनका लगि आज बसेको संघको बैठकले विभिन्न उपसमिति गठन गरेको संघका अध्यक्ष लिलकाजी गुरुङले हिमाली आवाजलाई जानकारी दिनुभयो ।
संघको गत फागुन १९ गते बसेको कार्यसमिति बैठकले साधारणसभाको मिति तय गरेको थियो । साधारणसभाको तयारीका लागि सात उपसमिति गठन गरिएको संघका सचिव डम्बरराज ढकालले जानकारी दिनुभयो ।
भोजन व्यवस्थापन उपसमिति, युवा परिचालन उपसमिति, अतिथि स्वागत सत्कार उपसमिति, मञ्च व्यवस्थापन लगायतका उपसमिति गठन गरिएको छ । साधारणसभामा विभिन्न सम्मानका कार्यक्रम समेत रहेको संघले जनाएको छ ।
