हिमाली आवाज । ६८ औ राष्ट्रिय सहकारी दिवस पोखरामा पनि विभिन्न कार्यक्रम गरी मनाइने भएको छ । जिल्ला सहकारी संघ कास्कीको आयोजनामा यही चैत १४ गते देखि २० गतेसम्म विभिन्न कार्यक्रमको आयोजना गरी ६८ औं सहकारी दिवस मनाउने भएको आज(विहिबार) पोखरामा आयोजित पत्रकार भेटघाट कार्यक्रममा जानकारी गराइएको हो ।
मर्यादित सहकारी समुन्नत समाज भन्ने मूल नाराका साथ यही चैत २० गते मानव अधिकार चोकमा भेला भई प्रभातफेरी सहित पोखरा सभागृहमा एक समारोहका बिच सहकारी दिवस मनाइने भएको संघका अध्यक्ष एवं मुल आयोजक समितिका संयोजक दिपकराज बाँस्तोलाले बताउनु भयो ।
चैत्र १४ पत्रकार सम्मेलन, चैत्र १५ पोखरा पार्टी प्यालेसमा बुद्धिचाल प्रतियोगिता हुने, चैत १६ गते बुद्धिचाल प्रतियोगिता तथा निबन्ध प्रतियोगिता हुने, चैत १७ गते साइकल र्याली, चैत १८ गते रंक्तदान कार्यक्रम, चैत १९ गते सरसफाई कार्यक्रम तथा अन्तरकृया कार्यक्रम हुने भएको उहाँले जनाउनु भयो । चैत २० गते सहकारीमा उत्पादन भएका बस्तु तथा सेवाहरु प्रर्दशनी तथा बिक्रि हुने गरी पोखरा सभागृहमा स्टलहरु रहने भएको छ । साँझ भने दिपावली गरिने भएको छ ।
कास्कीमा ४ सय ४१ वटा सहकारी मध्य आबद्ध रहेको संघका महासचिव दिपक प्रकाश आचार्यले बताउनु भयो । उहाँका अनुसार कास्कीमा ४ वटा सहकारीको रकम हिनामिना भएको जनाउनु भयो । अझै केही सहकारी समस्यामा रहेकोले मेलमिलाप गर्न आफुहरुले पहल गरेको महासचिव आचार्यले पोखराक्लिकलाई जनाउनु भयो ।
पोखरा महानगर सहकारी समितिका अध्यक्ष रविरमण तिवारीले कास्कीमा करिब ७ सय सहकारीहरु भए पनि कर्मचारी, संचालक समिति र सहकारीका बाहिरी जिल्लाका व्यक्तिबाट पोखरा सहित कास्कीको सहकारीको रकम हिनामिना भएको बताउनु भयो । सहकारीमा हाल विश्वासको संकट भएको उहाँले जनाउनु भयो ।
