हिमाली आवाज । कास्कीको माछापुच्छे् गाउँपालिकामा सञ्चालन भएको ‘अध्यक्ष कप महिला तथा पुरुष गण्डकी प्रदेश अन्तर पालिका भलिबल प्रतियोगिता’को पुरुषतर्फ बाग्लुङको गलकोट नगरपालिकाले उपाधि जितेको छ । यसैगरी महिलातर्फ शान्ता भलिबल ट्रेनिङ सेन्टर पोखरा च्याम्पियन बन्न सफल भयो ।
माछापुच्छ«े गाउँपालिका–७ धम्पुसमा शनिबार सम्पन्न भएको फाइनल खेलमा अघिल्लो वर्ष उपविजेता बनेको गलकोटले तनहुँको शुक्ला गण्डकी नगरपालिकालाई ३–१ सेटमा हराउँदै च्याम्पियन बन्यो । गलकोटले २५–२०, २५–१२, १६–२५ र २५–२० ले खेल आफ्नो पक्षमा पारेको थियो ।
च्याम्पियन बनेको गलकोटले नगद रु दुई लाख सहित ट्रफी मेडल र प्रमाण पत्र प्राप्त ग¥यो । उपविजेता शुक्ला गण्डकीले नगद रु एक लाख ट्रफी र मेडल र प्रमाण पत्र प्राप्त ग¥यो । सेमिफाइनल पुगेका बाग्लुङको निसिखोला गाउँपालिका नवलपुरको बौदीकाली गाउँपालिकाले रु ५० हजारका दरले पुरस्कार पाए ।
पुरुष तर्फ गलकोटका रेशम छन्त्याल उत्कृष्ट खेलाडी घोषित भए । शुक्ला गण्डकीका विष्णु क्षेत्री उत्कृष्ट स्पाइकर, अनिस कुमाल मिडल ब्लकर, क्रिस मल्ल ठकुरी उत्कृष्ट डिफेन्डर, गलकोटका मिन सुनार उत्कृष्ट सेटर, चिरन खड्का उत्कृष्ट सर्भर र सुरेन्द्र केसी उत्कृष्ट प्रशिक्षक घोषित भएका छन् । उनीहरुलाई पालिकाको लोगो अंकित खेलकुद पोशाक पुरस्कार प्रदान गरिएको थियो ।
महिलातर्फ उपाधि चुमेको शान्ता भलिवल ट्रेनिङ सेन्टरले नगद रु एक लाख ट्रफी, मेडल र प्रमाण पत्र प्राप्त ग¥यो । त्यसैगरी बाग्लुङ नगरपालिका बाग्लुङ द्धितीय भई नगद रु ५० हजार ट्रफी, मेडल र प्रमाण पत्रमा चित्त वुझायो ।सेमीफाइनलनमा उपविजेता वनेका माछापुच्छ«े गाउँपालिका ‘ए’ र ‘वि’ नगद रु २५÷२५ हजार प्राप्त गरे ।
त्यसैगरी प्रतियोगिताको महिला तर्फ शान्ता भलिवल ट्रेनिङ सेन्टरकी निरुता शाही उत्कृष्ट खेलाडी, बाग्लुङ नगरपालिकाकी सोडा थापा उत्कृष्ट स्पाइकर, सलिना गुरुङ उत्कृष्ट डिफेन्डर, शान्ता भलिवल ट्रेनिङ सेन्टरकी शोभा पाइजा मिडल ब्लकर, टेनीशा छन्त्याल उत्कृष्ट सेटर, रोस्मिना गुरुङ उत्कृष्ट सर्भर र दिनेश चौधरी उत्कृष्ट प्रशिक्षक घोषित भएका थिए ।
उपाधि विजेता टोली तथा विधागत उत्कृष्ट खेलाडीहरुलाई ाउँपालिका अध्यक्ष मीनबहादुर गुरुङ,उपाध्यक्ष सीता अधिकारी, प्रमुख प्रशासकीय अधिकृत गोपिकृष्ण अर्याललगायतले पुरस्कार वितरण गर्नुभएको थियो ।
माछापुच्छ्रे गाउँपालिका खेलकुद विकास समितिको आयोजनामा पयर्टकीय क्षेत्र धम्पुसमा यही फागुन १४ गतेदेखी तेस्रो संस्करणको माछापुच्छ्रे गाउँपालिका अध्यक्ष कप गण्डकी प्रदेश पालिका स्तरीय पुरुष तथा महिला भलिबल प्रतियोगिता भएको हो । प्रतियोगितामा पुरुषतर्फ १६ र महिलातर्फ पाँच टोलीले प्रतिस्पर्धा गरेका थिए।
