हिमाली आवाज । पोेखरामा सञ्चालन भएको ‘जुनियर खुला राष्ट्रिय जुडो प्रतियोगिता–२०८१’ मा कास्कीले उपाधि जितेको छ ।
कास्की जिल्ला जुडो सङ्घको आयोजनामा भएको प्रतियोगितामा ११ वटा स्वर्ण, चार रजत र तीन कास्य गरी १८ वटा पदकसहित कास्की जिल्ला टिम च्याम्पियन बनेको हो ।
यसैगरी मोरङले तीन स्वर्ण, दुई रजत र एक कास्य गरी छ पदकसहित दोस्रो हुन सफल भएको छ । यसैगरी विराटनगरले दुई स्वर्ण, चार रजत र दुई कास्य गरी तृतीय भयो ।
पोखरा रङ्गशालास्थित बहुउद्धेश्यिय कर्भड हलमा यही फागुन १० र ११ गते गरी दुई दिन सञ्चालन भएको सो प्रतियोगितामा कास्की, गार्खा, नवलपुर, मोरङ, बिराटनगर र सुनसरी गरी छ वटा टिमबाट पुरुषतर्फ १० र महिलातर्फ आठ गरी १८ वटा तौल समुहमा प्रतियोगिता सञ्चालन भएको थियो ।
पुरुषतर्फ २५ केजी तौल समुह अन्तर्गत मोरङका निखिल शाहीले स्वर्ण पदक, विराटनगरका निर्भिक प्रताप रानाले रजत पदक र कास्कीका महिष विक र नवलपुरका सोनम विकले कास्य पदक जिते ।यसैगरी ३० केजी तौल समुहतर्फ कास्कीका निशान नेपाली र मञ्जित परियारले स्वर्ण र रजत र गोर्खाका सुनिल लिम्बूले कास्य पदक प्राप्त गर्न सफल भए । यसैगरी ३५ केजी तौल समुहमा मोरङका विज्ञान अधिकारी स्वर्ण, गार्खाका अमोद कुमार रजत र कास्कीका शिरीष पुनले कास्य पदक जिते ।
पुरुषतर्फको ४० केजी तौलमा विराटनगरका सुजन राजवंशी स्वर्ण र मोरङका सोनम कुमार देओले रजत पदक जिते । ४५ केजीमा संजोक परियार कास्कीबाट स्वर्ण, प्रसात राई सुनसरीबाट रजत र गार्खाका शिव मरासोरनीले कास्य पदक प्राप्त गरे । कास्कीका आदित्य गुप्ता, विराटनगरबाट सरोज राजवंशी, कास्कीका तितस खड्का र स्यामुयल लिम्बूले –५० केजीमा क्रमश स्वर्ण, रजत र कास्य पदक प्राप्त गरे ।
यसैगरी ५५ केजी तौलमा कास्कीका आयुष महतो, नवलपुरका देभिस गुरुङ, मोरङका हिमान्सु कुमार पाल र विराटनगरका लक्की राजवंशीले क्रमश स्वर्ण, रजत र कास्य पदक हासिल गरे । यस्तै पुरुष तौल समूह अन्तर्गत नै –६० केजीमा गार्खाका दिपेश गुरुङ, कास्कीका मनिष परियार र बिराटनगरका अनुज रावंशीले स्वर्ण, रजत र कास्य पदक प्राप्त गरेका छन् ।
यसैगरी ६६ केजीमा आशिष तामाङले कास्कीका लागि स्वर्ण, गोर्खाका मनोज तामाङले रजत, बिराटनगरका आरुस पोखरेल र नवलपुरका सन्दिप परियारले कास्य पदक पाउन सफल भए । पुरुषतर्फ नै अन्तिम तौलसमुह अन्र्तगत +७३ केजीमा कास्कीका विज्ञान टि खत्री, विराटनगरका रोशन राजवंशी र सुनसरीका अक्लिस शाही ठकुरीले क्रमश स्वर्ण, रजत र कास्य पदक प्राप्त गरे ।
त्यस्तै महिला तौल समुह अन्र्तगत ७ वटा विधामा भएको प्रतियोगितामा २८ केजीमा कास्कीकी निशा नेपाली, मोरङकी रिया शाह र गोर्खाकी कृति वि.क.ले क्रमश स्वर्ण, रजत र कास्य पदक प्राप्त गरे । यस्तै ३२ केजीमा मोरङकी संस्कृति अर्घहरीले स्वर्ण, कास्कीकी बिषु मगरले रजत, कास्कीकै जमुना श्रेष्ठले र गोर्खाकी सुरक्षा परियारले कास्य पदक हासिल गरे ।
यसैगरी केजीमा कास्कीकै आश्मा गुरुङ र गंगा श्रेष्ठले स्वर्ण र रजत पदक प्राप्त गरे । महिलातर्फको अर्को तौलसमुह अन्र्तगत ४४ केजीमा कास्कीकी मनमाया तामाङ, गोर्खाकी प्रतिका नेपाली, सुनसरीकी प्रासन्ना राई र नवलपुरकी मेघ्मा गुरुङले क्रमश स्वर्ण, रजत र कास्य पदक जिते ।
कास्कीका दुई खेलाडी कमला तामाङ र अनिता परियारले क्रमश ४८ केजीमा स्वर्ण र रजत प्राप्त गरे । यसैगरी ५२ केजीको विधामा बिराटनगरकी यशिका खड्का र सुनसरीकी सुप्रिया राईले स्वर्ण र रजत हासिल गर्न सफल भए ।
यसै प्रतियोगिता अन्र्तगत ५७ केजी तौल समुहमा कास्कीकी मिक्सा लिम्बु, गोर्खाकी मनिषा तामाङ, सुनसरीकी दिपसिका आचाजु र समिक्षा धमेलले क्रमश स्वर्ण, रजत र कास्य पदक प्राप्त गरे । यस्तै पुरुषतर्फको प्रतियोगितामा बेस्ट प्लेयरको उपाधी कास्कीका आयुष महतोले जितेका छन् भने महिलातर्फ मोरङकी संस्कृति अर्घहरीले उपाधी जिते ।
कार्यक्रममा विगत १६ वर्षदेखि निरन्तर रुपमा जुडो खेलको विकासका निम्ति लागि परेका स्वयम सेवक प्रशिक्षक रबि चौधरीलाई सम्मान गरिएको थियो ।
