हिमाली आवाज । प्रेस सेन्टर नेपाल पोखरा महानगर समितिको अध्यक्षमा हुम गुरुङ निर्वाचित हुनुभएको छ । पोखरामा आज सम्पन्न दोस्रो अधिवेशनले गुरुङको अध्यक्षतामा ११ सदस्यीय नयाँ कार्यसमिति चयन गरेको हो ।
समितिको प्रथम उपाध्यक्षमा सपना रसाइली, द्वितीय उपाध्यक्षमा शिव जंग क्षेत्री,सचिवमा प्रकाश अधिकारी, कोषाध्यक्षमा सरिता गायक,र सहसचिवमा दिलिप भण्डारी चयन हुनुभयो । सदस्यहरुमा गीता तिवारी, एलिसा थापा, रवि भण्डारी र दक्ष गुरुङ रहनुभएको छ ।
यसअघि समितिका अध्यक्ष शिवराज बस्ताकोटी ‘शिवदाई’ को अध्यक्षतामा भएको कार्यक्रममा प्रमुख अतिथि नेकपा(माओवादी केन्द्र) कास्कीका संयोजक विश्वप्रकाश लामिछानेले पत्रकारहरुले जनताका पक्षमा कलम चलाउन आग्रह गर्नुभयो ।
कार्यक्रममा नेकपा(माओवादी केन्द्र) पोखरा महानगर समितिका सचिव जनकराज पराजुली, प्रेस सेन्टर केन्द्रीय सचिव माधव पनेरु, केन्द्रीय सदस्य सन्देश श्रेष्ठ, गण्डकी प्रदेशका वरिष्ठ उपाध्यक्ष घनश्याम पाण्डे, कास्की अध्यक्ष कृष्ण दवाडी लगायतले भनाई राख्नुभएको थियो ।
