हिमाली आवाज । लायन्स क्लब अफ पोखरा लेकसाइडद्धारा चितवन कालिका नगरपालिका ११ सैपाम मा रहेको शुभ शान्ति राष्ट्रिय आधारभुत बिद्यालयका बिद्यार्थीहरुलाई न्यानो कपडा वितरण गरेको छ ।
क्लवले आइतबार एक समारोहका बिच बिद्यालयमै पुगेर एक सय भन्दा बढी छात्र÷छात्रालाई न्यानो (पोलर ज्याकेट) वितरण गरेको क्लवका अध्यक्ष धर्मराज थापाले बताउनुभयो ।
आर्थिक अबस्था निकै कमजोर भएका चेपाङ समुदायका बिद्यार्थीहरुलाई यस बर्षको जाडोबाट केही हदसम्म भए पनि बचाउन क्लवले न्यानो कपडा वितरण गरेको उहाँले जनाउनु भयो । बिद्यालयमा १ सय जना बिद्यार्थीहरु भए पनि स्थानियक केही बालबालिका सहित १ सय १० थान न्यानो कपडा वितरण गरिएको अध्यक्ष थापाले जनाउनु भयो ।
उक्त कार्यक्रममा बोल्दै क्लवका पूर्व अध्यक्ष एवं रिजन चियर पर्सन नवराज अधिकारीले दुई बर्ष अघि पनि उक्त स्थानमा न्यानो कपडा वितरण गरिएको उल्लेख गर्दै हरेक बर्ष विभिन्न दाताको सहयोगमा नेपालका विभिन्न क्षेत्रमा यसरी विभिन्न सामाजिक कार्य गर्दै आएको जनाउनु भयो ।
बिद्यालय व्यबस्थापन समितिका अध्यक्ष शुन्दर प्रजाले बिद्यालयको आर्थिक अबस्था कमजोर भएको अबस्थामा बिद्यार्थीहरुको लागि जाडोको मौसममा न्यानो कपडा वितरणले स्थानियलाई धेरै राहत भएको बताउनु भयो । बिद्यालयका प्रध्यानाध्यापक झलक भट्टले आर्थिक अबस्था कमजोर भएका चेपाङ समुदायका बिद्यार्थीहरुको लागि बिद्यालय पोशाक तथा स्टेश्नरी सामाग्रि अतिनै आवश्यक हुने बताउनु भयो । न्यानो कपडा दुई बर्ष पछि पनि पुनः वितरण गर्न आउनु भएकोमा क्लवको टोलीलाई धन्यवाद दिनुभयो ।
क्लवका अध्यक्ष थापाको अध्यक्षतामा सम्पन्न भएको कार्यक्रममा क्लबका प्रथम उपाध्यक्ष इन्द्रमान चौहान, तृतीय उपाध्यक्ष श्याँम थापा, सचिव कमल भुजेल, सदस्य राम ढकाल लगायत सहभागिता रहेको थियो ।
