हिमाली आवाज । पोखरामा आगामी मंसिर २२ देखी २९ गतेसम्म २५ औँ संस्करणको आदर्श कप फुटबल प्रतियोगिता हुने भएको छ ।
भण्डारढिक खेल मैदानमा सो प्रतियोगिता सञ्चालन हुनेछ । कोभिडले प्रभावित भई ६ बर्ष पछि हुन लागेको उक्त प्रतियोगितामा तीन विभाग सहित ८ टिमको सहभागिता रहेको क्लबका अध्यक्ष पदम गुरुङले बताउनु भयो ।
प्रतियोगिताको विजेतालाई नगद ४ लाख २५ हजार ५ सय २५ रुपैयाँ र उपविजेतालाई २ लाख २५ हजार ५ सय २५ रुपैयाँ र मेडल प्रदान गरिने भएको छ । प्रतियोगितामा उत्कृष्ट खेलाडीलाई २५ हजार, त्यसै गरी विभिन्न विधागत सर्वाधिक गोलकर्ता, उत्कृष्ट स्टाइकर, उत्कृष्ट फरवार्ड, उत्कृष्ट मिड फिल्डर, उत्कृष्ट गोलरक्षक, उत्कृष्ट प्रशिक्षकलाई जनही १५ हजार नगद सहित ट्रफी र प्रमाणपत्र वितरण गरिने भएको छ ।
शनिबार हुने उद्घाटन खेलमा आयोजकः आर्दश युवा क्लब र एन्फा तनहुँ बिच जनाइएको छ ।
