हिमाली आवाज । बागलुङमा पिकअप भ्यान दुर्घटना हुँदा चालकसहित पाँचजनाको मृत्यु भएको छ।
जैमिनी नगरपालिका–८ छिस्तीबाट जिल्ला सदरमुकाम बागलुङ बजार आउँदै गरेको ‘पिकअपभ्यान’ जैमिनी–७ जैदीको व्यार्थला नजिकै आज बिहान दुर्घटना हुँदा चालकसहित पाँच जनाको मृत्यु भएको हो।
ग २ च ९२४७ ‘पिकपअभ्यान’ सडकदेखि एकसय मिटरभन्दा तल खसेको जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाले जानकारी दिनुभयो । उहाँका अनुसार घटनामा मृत्यु भएकाहरुको पहिचान खुलिसकेको छैन।
प्रहरी निरीक्षक थापाका अनुसार पिकअपभ्यान’मा सवार एक जनाको भने जीवितै उद्धार गरिएको छ। घटनाको थप विवरण आउन बाँकी रहेको प्रहरीले जनाएको छ ।
