हिमाली आवाज । पोखराका उडिरहेको बुद्ध एअरको विमानमा समस्या देखिएपछि काठमाडौँ नै फर्काइएको छ । प्राविधिक समस्या देखिएको भन्दै शुक्रबार ‘नाइन एन एएमडी’ कलसाइन भएको उडान नं. ६५५ को विमान काठमाडौँस्थित त्रिभुवन अन्तरराष्ट्रिय विमानस्थलमा नै अवतरण गराइएको हो ।
बुद्ध एअरका अनुसार काठमाडौंबाट पोखरा उडान नं. ६५५, कल साईन नाइन एन एएमडी मा प्राविधिक समस्या देखिएको हुँदा विमानलाई पुनः काठमाडौंमा सुरक्षित अवतरण गरिएको हो ।
काठमाडौंबाट पार हुने क्रममा उक्त विमानको इन्डिकेटरमा समस्या देखिएको थियो । जसपश्चात् थप जोखिम नलिने भन्दै विमान काठमाडौंमै सुरक्षित अवतरण गराइएको हो ।
फर्काइएको विमानमा सवार यात्रुहरूलाई पुनः अर्को विमानबाट पोखरा पठाउन लागिएको पनि बुद्ध एअरले जनाएको छ । अवतरण गरिसकेपछि प्राविधिकहरूले विमानको जाँच गरिरहेका छन् ।
